النسا والبنات إلّي يخدمو في الديار

تفرّجت في "دائرة الضوء" المرّ الّي فاتِت, عدّيت جُمعا كاملا إمبهّم. حكاو على النسا والبنات إلّي يخدمو في الديار وفي الإدارات.

منهم وَحدَ خدمت أربعين سنا عند عايل مِنغير ما إخلّصُها حتّى فرنك و مْبَعد كِكبرت وولاّت معادش تنجّم تخدم طيشوها (شوف الطرف 3 ). توّ بربّي نُرمال هالنّاس هاذوما؟ هاذي معنِتها عدّات حياتها تخدم بلاش, حتّى عايلتها مِلّي مشات علاها معادش تعرفهم, حتّى مِالعرس ما عَرّسِتش, توّا شكون باها كِتلوحت؟ شكون باش إعيّشها؟ فين باش تبات؟ . معنِتها عام 2010 وباقي فمّا ناس يِستعبدو في غيرهم! و نسا إلّي إصَمصرو باهم, ولِبنات الصغار إلّي هِزّو إخَدمُهم بعاد على والداهم. وين الرَقاب؟

وفمّ حال أُخرا فاها مْرا تنظّف في مَحطّات المِترُ عندها 25 سنا تخدم بلا كُنتراتو. و إخلصو فاها 180 دنار. و هاذي كِلُخرا باش ترسّلها مسكينَ بلاش أَنْتريت. منغير ما نكمّل نحكيلكم على الحال التعيسَ إلّي تخدم فاها.(شوف الطرف 7 )

شنوّا الحل؟
- علاش مازالو فمّا شريكات تنظيف يخدّمو في عباد بطريق غير قنونيّ, بلاش كُنتراتو, بلاش ضمنات...؟
- علاش العايلات إلّي تخدّم فاهم ما دِكلاريش علاهم فيالـصندوق القومي الإجتماعي؟(سِ.ن.س.س)ـ
- علاش هالنّاس هاذوما إلّي عندهم مدخول ضعيف,مثلا ماإسَهلّولهُمش باش إحلّو كُنت متع بانكا, باش نهار الّي ماإخلسوهُمش’ عندهم عل أقل باش يَستدلّو؟
- علاش ما فمّاش فين النّاس هذوما يمشِيو يِسألو, باش إنجمو يعرفو كِفاش يسَوِّيوو وضعِيّتهم القانونيّ, آلاخاطر أكثريتهم جاهلين ما يعرفوش يقراو.

البرنامج مقسّم على 7طروف
1: http://www.facebook.com/video/video.php?v=105886009453897
http://www.facebook.com/video/video.php?v=105888219453676 :2
http://www.facebook.com/video/video.php?v=105889759453522 :3
http://www.facebook.com/video/video.php?v=105891726119992 :4
http://www.facebook.com/video/video.php?v=105893839453114 :5
http://www.facebook.com/video/video.php?v=105896519452846 :6
http://www.facebook.com/video/video.php?v=10150144489040261 :7

بداية نهاية الإسلام السياسي

بداية نهاية الإسلام السياسي

المقال هاذا إخلّ العبد إخمّم مليح. ولكلام هاذا نزيد نأكدو حسب تجربتي الخاصّ عرفت مابين عشرين وتلاثين إراني وإرانيّ وكُلهم أخطا بِتْبيعَ واحد ولا زوز ملحدين, وزيد فوق هذاكا يكرهو لإسلام. وهاذيّ حاجا إستغربتها ياسر مِلّول آلا خاطر كان في بالي العكس متع هاذا.

ومن بعد كِتجي تشوف النضام متاحهم المتعصّب كِفاش يمنع الإختلاط ما...بين الرجال ونْسا في البلايص العومومِيّ وكفاش البولِسِيّ متاحهم يظربو النْسا إلّي ماهُمِّش لابسين خِمارهم بالڨدا, برّا عاد إلّي موش لابسين جِمْلا! وهاذا الكلّ يزيد يزرع الكبت في قلوب الشباب ويخلاّهم يوَلِّيوو ملحدين, وهاذيّ حاجا عاديّ ياسر ضد نظام فيه الكَبت والتعصّب الدّيني.
برّ عاد شوف هاكِل اللخوانجيّ آش يعملو لبناتنا في الشوارع خلّينا ساكتين خير. خسارا سّاع لِسْلام كِما إلّي نعرفوه نحنا ولّي ورِثناه عن جدودنا هو دين التّسامح, وإلّي يعمِل حاج لربّي يعملها لروحُو وموش للناس.ـ
ربّي يهدي

تونس 9 أفريل عيد الشهداء

ليوم في النهار هاذ بالذّات 9 أفريل 1938 إسْتَشْهدو أكثر من عيشرين تونسي وتْضَرْبو فيه أكثر من 150 تونسي
بالكرتوش ومنهم كبار وصغار نْسا و رجال.

في النهار هاذ ضاهرو فيه جدودنا ضد الفرانسيس باش تونس يوَلّي عندها برلمان تونسي.

المضاهر هاذي قادها علي البلهوان والمنجي سليم ﷲ يرحمْهم, و خرجو فاها 10000 تونسي لْساحِة الحلفاوين وهيّ أوّل مضاهر تشارك فيها لِمْرا التونسيّ.

علاش نهار هاذا كان مهم؟ آلا خاطر كان مرحل مهمّ برشا في الكفاح التونسي وهاذا آش شَجّع برشا مناضلين توانسا باش إكمّلو نضالهم حتّى لين إستقلّت تونس عام 1956 على رغم إلّي تشدّو في الحبس كيما الحبيب بورڨيب والمنجي سليم...

وماِننساوِش إلّي 9 أفريل عيد الشهداء التوانس الكل الناضلو وقت الإستعمار حتّى إسْتْقلِّت تونس.

عْلي بَلهْوان

Dérja tounsia bil language SMS

Tmanit nhar bech nebde nekteb el Dérja el tounsia bil 3arbi. Elmochkla c'est que par fois minghir me noch3er fi wist la7dith nista3mil kilmet bil francais. ow aktheriyet liklem elli bil francais mé tnejemech tektbou bil 7rouf el 3arbi. Famma chkoun i9ollek :"3ad enti chnowwa elli m9al9ek, ektib el Derja bil alphabet latin, kima la3bed el kol, wakkah"

1. ena 3andi kif kif, amma ena 9olt, puisque l'arabe-tunisien jey essentiellement mil "3arabiya", et puisque Tounis el culture mte7ha orientale (arabe) ow mouch occidental! 3ad kim i9oulou nés 9bal "el me elli mechi lil sédra el zitouna awla bih".


2. l'alphabet arabe ki tji tchoufou, houma mitawrin akther mil l'alphabet latin, ala5ater 9bal wa9telli dhohrou les alphabets, mekenouch les9in b3adhhom, ow zid fil 3arbi na7aw les voyelles ow badlouhom bil "Al-chakel" bech yirb7ou akther blassa. Min ghir me nkamlou na7kiw 3al calligraphie et etc.


3. ésthetiquement Dérja bil l'alphabet latin 5ayba barcha, ow taksir krayem bech ta9raha (kima tawwa). 3lech? c'est normal l'alphabet latin tal3ohom bech yiktbou behom el Latin et tawwa les autres langues romanes kima l'italien, francais walla l'éspagnol.


4. zid fou9 hedheka el kol, mehommech compatible biklémna, hedheka éch 5llénanektbou bil language sms, kitiba imfar3ssa bil nwemir.

Amma 7atta el ktiba bil 3arbi feha mechekil, elli we7id yinejem i7elhom facilement, awwalhom mouch el twensa el kol 3andhom Clavier 3arbi, ow zid kima 9olt famma se3at klem bil Derja s3ib bech yitektib bil 3arbi. ces problemes la, bech nikteb a3lehom fil article el jey, welli 3andou mé i9oul madhabinyya nisma3 rayou.

Amma el marra el jeya bech nibda niktib bil 7rouf el 3arbi :D